Qyzylordada halyqaralyq izdeýde júrgen kúdikti ustaldy

QYZYLORDA. QazAqparat - Qyzylordalyq polıtseıler halyqaralyq izdeýde júrgen kúdiktini qolǵa túsirdi, dep habarlaıdy QazAqparat tilshisi.

Qyzylorda oblysy Polıtsııa departamenti Krımınaldyq polıtsııa basqarmasynyń qyzmetkerleri osy maqsatta jedel-izdestirý sharalaryn júrgizdi.

«Іs-shara barysynda tergeýden boı tasalap, halyqaralyq izdeýde júrgen qyzylordalyq azamat oblys ortalyǵynda qolǵa tústi. Ol QR Qylmystyq kodeksiniń 192-babynyń 2-bóligimen (qaraqshylyq) boıynsha qylmys jasaǵan dep aıyptalýda. Ustalǵan azamatqa qatysty kúzetpen ustaý túrindegi bultartpaý sharasy tańdaldy. Qazirgi ýaqytta ol ýaqytsha ustaý ızolıatoryna qamaýǵa alyndy», - dep málim etti Qyzylorda oblystyq polıtsııa departamentinen.

Eske salsaq, Qyzylordada mobıldi beketten ótpek bolǵan kólikten asa iri kólemde esirtki tabyldy.