Qyzylordada Halyqaralyq ana tili kúnine oraı dóńgelek ústel ótti
«Til - táýelsizdiktiń tiregi» atty sharaǵa oblystyq Qazaqstan halqy Assambleıasy, etno-mádenı birlestik jáne ǵylymı-sarapshylyq top músheleri, oblystyq ishki saıasat basqarmasynyń mamandary, orta mektep jáne jeksenbilik mektep ustazdary men oqýshylar qatysty. Onda «Qoǵamdyq kelisim» KMM dırektorynyń orynbasary A.Jumabaev, oblystyq ishki saıasat basqarmasynyń tilderdi damytý jáne ádistemelik jumystar bóliminiń basshysy L.Esimova, oblystyq bilim basqarmasynyń bas mamany E.Júsipova, «Murager» mektebiniń oqytýshysy, AQSh-taǵy Nebraska shtatynyń azamaty Oster Pıter, «Qoǵamdyq kelisim» KMM bas eksperti B.Úsenbaev jáne 2016 jylǵy oblystyq «Myń bala» baıqaýynyń jeńimpazdary sóz sóıledi.
Dóńgelek ústel aıasynda bıylǵy jylǵy oblystyq «Myń bala» baıqaýynyń bastaý alǵandyǵy aıtylyp, oqýshylar ázirlegen ádebı montajben jalǵasty. Shara barysynda til saıasatyn júzege asyrýǵa atsalysyp júrgen birqatar mektep ustazdary men «Myń bala» baıqaýynyń 2016 jylǵy jeńimpazdarynyń jetekshileri marapattaldy.