Qyzylordada gazdy qarýmen oq atqan turǵyn qamaýǵa alyndy
05:22, 14 Qarasha 2022
QYZYLORDA. QazAqparat - Qyzylordada gazdy qarýmen oq atqan turǵyn qamaýǵa alyndy, dep habarlaıdy QazAqparat tilshisi.
Áleýmettik jelide belgisiz azamattyń gazdy tapanshamen aýaǵa oq atqan vıdeosy jarııalandy.
«Tekserý barysynda oqıǵa Qyzylordada toı ótkizý kezinde bolǵany anyqtalǵan. Odan eshkim zardap shekken joq. Atalǵan derek boıynsha 24 jastaǵy qala turǵynyna qatysty QR Ákimshilik quqyq buzýshylyq týraly kodeksiniń 434-baby, 484-baby, 485-baby boıynsha hattamalar toltyryldy», - dep málim etti Qyzylorda oblystyq polıtsııa departamentinen.
Vedomstvo málimetinshe, qazirgi tańda ol 7 táýlikke qamaýǵa alynǵan.
Eske salsaq, budan buryn Qyzylordada 22 myń túpke jýyq sora ósimdigi joıyldy.