Qyzylordada gaz ótkizýde zań buzǵan kompanııaǵa aıyppul salyndy
Qyzylorda oblystyq prokýratýrasy Básekelestikti qorǵaý jáne damytý agenttiginiń Qyzylorda oblysy boıynsha departamenti mamandarymen birlesip, «QazGerMunaı» BK» JShS-ne qatysty tekserý júrgizgen bolatyn. Tekserý nátıjesinde zań buzýshylyq anyqtaldy.
«Byltyr atalǵan seriktestik Qyzylorda oblysy jáne ońtústik makro óńir aýmaǵynda elektrondyq saýda alańdary arqyly suıytylǵan munaı gazyn ótkizý kezinde monopolııalyq joǵary baǵalardy belgilegen. Ony ustap turýmen aınalysqan. Oblystyq sottyń qaýlysyna sáıkes atalǵan seriktestik básekelestikti qorǵaý salasyndaǵy zańnamany buzý boıynsha kináli dep tanyldy. Olarǵa 126,6 mıllıon teńge kóleminde ákimshilik aıyppul salyndy. Monopolıstik qyzmetti júzege asyrý nátıjesinde alynǵan 881,4 mıllıon teńge monopolııalyq tabysy memleket paıdasyna tárkilendi», - dep málim etti Básekelestikti qorǵaý jáne damytý agenttiginiń Qyzylorda oblysy boıynsha departamenti tergep-tekserý bóliminiń basshysy Erlan Káribaev.
Seriktestik tarapynan sottyń sanktsııasynda kózdelgen ákimshilik aıyppul men monopolııalyq tabysty óz erkimen memleket bıýdjetine tólendi.
Eske salsaq, budan buryn Qyzylordada mal urlyǵymen aınalysqan 37 qylmystyq top qolǵa tústi .