Qyzylordada eskeksiz qaıyqpen kóldiń ortasynda qalyp qoıǵan eki adam qutqaryldy

QYZYLORDA. QazAqparat - Qyzylorda oblysynda eskeksiz qaıyqpen kóldiń ortasynda qalyp qoıǵan eki adam qutqaryldy, dep habarlaıdy QazAqparat tilshisi.

Oqıǵa 24 tamyzda jergilikti ýaqytpen saǵat 17.50-de Aral aýdanyna qarasty Qamystybas eldi mekeni aýmaǵyndaǵy Qambash kólinde bolǵan. Jergilikti turǵyndar balyq aýlaý kezinde qaıyqtyń eskegin sýǵa túsirip alǵan.

«Olardy qutqarýshylar kezekshilik atqarý barysynda baıqaǵan. Eskeksiz qalǵan azamattar qaıyqpen jaǵalaýǵa jete almaı qaldy. Jedel qutqarý jasaǵynyń mamandary kúshimen 1974 jáne 1980 jylǵy eki azamat jaǵaǵa shyǵaryldy. Olarǵa psıhologııalyq kómek kórsetildi», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, túnde Syrdarııada júzbek bolǵan jigitti tótenshelikter qutqardy.