Qyzylordada eskeksiz qaıyqpen kól ortasynda qalyp qoıǵan 3 adam qutqaryldy

QYZYLORDA. QazAqparat - Qyzylorda oblysynda kólde balyq aýlaý kezinde qaıyǵynyń eskegi synyp, jaǵalaýdan bir shaqyrymdaı qashyqtyqta qalyp qoıǵan 3 adam qutqaryldy, dep habarlaıdy QazAqparat tilshisi.

Oqıǵa 8 qyrkúıekte saǵat 20.50 shamasynda Aral aýdany Qamystybas eldi mekeni aýmaǵyndaǵy kólde bolǵan.

Balyq aýlaýǵa shyqqan 3 adam mingen qaıyqtyń eskegi synyp, olar jaǵalaýdan 800 metr qashyqtyqta qalyp qoıǵan.

Bul jóninde 112 qutqarý qyzmetine kelip túsken habarlama boıynsha Qamystybas eldi mekenindegi jedel qutqarý jasaǵynyń mamandary oqıǵa ornyna arnaıy tehnıkamen jetti.

«Tastaq kólinde qaıyǵynyń eskegi synyp qalǵan balyqshylar jaǵaǵa shyǵaryldy. Olarǵa alǵashqy medıtsınalyq kómek kórsetildi. Qazir olardyń jaǵdaıy jaqsy», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, budan buryn Qyzylordada kópqabatty úıde bolǵan órtten 12 adam qutqarylǵanyn habarlaǵan edik.