Qyzylordada erli-zaıyptylar memleketke 24 mln teńge zalal keltirgen

QYZYLORDA. QazAqparat - Qyzylorda oblysynda jalǵan nesıe shartyn ázirlep, memleketke 24 mln teńgeden astam iri mólsherde múliktik zalal keltirgen adam shartty túrde bas bostandyǵynan aıyryldy, dep habarlaıdy QazAqparat tilshisi.

Qyzylorda qalasynda turatyn azamat jubaıy ekeýi jumyssyz turǵyndardy jańadan ashylatyn kirpish zaýytyna jumysqa qabyldaıtynyny jóninde jalǵan ýáde bergen.

Olardyń jeke kýálik kóshirmesin alyp, nesıelik seriktestik quryltaıshylary qataryna qosylýǵa kóndirgen.

«Sol arqyly «Bereke-Qarǵaly» nesıe seriktestigin» qurǵan. Nátıjesinde Shıeli aýdany aýmaǵynda múıizdi iri qara ósirýmen aınalysatyn sharýashylyq qurý jáne damytý maqsaty kórsetilgen bıznes jospar ázirlegen. Sol arqyly jylyna 4,27 paıyzben esepshotyna 30 mln teńge aýdarylǵan. Ózge kisilerdiń atynan jalǵan nesıe sharttaryn rásimdegen eri men áıeli jasaǵan qylmystyq áreket saldarynan memleketke 24 mln teńge asa iri mólsherde múliktik zalal kelgen», - dep málim etti Qyzylorda oblysy boıynsha ekonomıkalyq tergep-tekserý departamentinen.

Shıeli aýdandyq sotynyń úkimimen er adam QR Qylmystyq Kodeksiniń 177-babynyń 4-bóliginiń b) tarmaǵymen kináli dep tanyldy.

Ol 5 jyl merzimge shartty túrde bas bostandyǵynan aıyryldy. Osy merzimge probatsııalyq baqylaý belgilendi.

Eske salsaq, budan buryn Qyzylordada zańsyz oıyn bıznesin uıymdastyrǵan almatylyq áıel jazaǵa tartyldy.