Qyzylordada eriktiler baspanaǵa muqtaj eki otbasyna úı syılady

QYZYLORDA. QazAqparat - Qyzylorda oblysy Jańaqorǵan aýdanynda eriktiler baspanaǵa muqtaj eki otbasyna jańa turǵyn úıdiń kiltin tabys etti, dep habarlaıdy QazAqparat tilshisi.

Jergilikti «Jańarǵan Jańaqorǵan jastary» qoǵamdyq qory jylma-jyl turmysy tómen otbasylarǵa kómek qolyn sozyp keledi. Bul maqsatta ortaq qarjy jınap, keıbir isterge demeýshiler tarapynan qoldaý kórsetiledi.

Osylaısha, bıyl olar birden eki baspana salyp, ony úıge muqtaj eki otbasyna tabys etti. Alǵashqysyn múmkindigi shekteýli jan alsa, ekinshisine turmysy tómen otbasy qol jetkizdi.

Jańa baspanalardyń kiltin tabystaý rásimine aýdan ákimi Murat Tileýimbetov qatysyp, aqjarma lebizin bildirdi. Aýdannyń bas ımamy Ábdihalyq qajy Mahmutuly eldiń atynan erikti jastarǵa alǵysyn aıtty.

Búgin Qaraǵandy oblysynda 14 otbasy jańa páterdiń kiltin alǵany habarlanǵan bolatyn.