QYZYLORDA. QazAqparat - Qyzylorda oblysynda emshi keıpine enip, aqsha aldap alǵan alaıaq ustaldy, dep habarlaıdy QazAqparat tilshisi.
Shıeli aýdandyq polıtsııa bólimine aýdan turǵyny aryzdandy. Onda beıtanys áıel oǵan «sende dýa bar, emdep beremin» dep, senimine kirgeni aıtylǵan. Saldarynan onyń qymbat altyn buıymdaryn aldap alǵan. Artynsha, alaıaq izin sýytqan. Keltirilgen shyǵyn kólemi - 500 myń teńge.
«Jedel-izdestirý sharalarynyń nátıjesinde kúdikti qolǵa tústi. Ol Qaraǵandy oblysynyń turǵyny bolyp shyqty. Atalǵan derek boıynsha QR Qylmystyq kodeksiniń 190-babynyń 1-bóligimen (Alaıaqtyq) sotqa deıingi tergep-tekserý amaldary júrgizilýde», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada kıik atyp alǵan 2 adamǵa qylmystyq is qozǵaldy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.