Qyzylordada ekpe qabyldaýǵa qabiletti turǵyndardyń 92,9 paıyzy vaktsına saldyrdy
Óńirde koronavırýsqa qarsy vaktsınany 420463 adam saldyrdy. Bul - ekpe qabyldaýǵa qabiletti turǵyndardyń 92,9 paıyzy.
Al 89,5 paıyzy ımmýndaýdyń tolyq kýrsynan ótti.
Oblysta qaterli indetke qarsy vaktsınalaý jumysyna bir jyl toldy. Alǵashqyda reseılik «Spýtnık V» preparaty qoldanyldy. «Búginde Dúnıejúzilik densaýlyq saqtaý uıymymen ruqsat etilgen vaktsınalar da turǵyndarǵa salynýda. Ekpe alamyn degen azamat úshin barlyq tańdaý bar. Óńirde vaktsınatsııalaý «QazVac», «SinoVac», «Pfizer» preparattarymen júrgiziledi», - dep málim etti oblystyq sanıtarııalyq-epıdemıologııalyq baqylaý departamentinen.
Medıtsınalyq aqparattyq júıeniń málimetterine sáıkes 1 aqpandaǵy jaǵdaı boıynsha tıisti kontıngenttiń 92,9 paıyzy vaktsınalaýdyń 1 komponentimen qamtylsa, 89,5 paıyzy ımmýndaýdyń tolyq kýrsynan ótken.
Vedomstvo málimetinshe, oblys boıynsha 106 ekpe kabıneti bar jáne jyljymaly egý brıgadalarynyń sany 36. Búgingi kúni vaktsınatsııalaý jáne revaktsınatsııalaý úshin oblysta ekpe qory jetkilikti. Immýndaýdan keıin asqyný jaǵdaılary oryn alǵan joq.
Eske salsaq, Qyzylorda oblysynda 64 myńnan astam adam revaktsınatsııadan ótti.