Qyzylordada ekpe qabyldaýǵa qabiletti azamattardyń 72 paıyzy vaktsına saldyrdy

QYZYLORDA. QazAqparat - Qyzylorda oblysynda koronavırýsqa qarsy vaktsınanyń birinshi komponentin 325 myńnan astam adam saldyrdy. Bul ekpe qabyldaýǵa qabiletti azamatardyń 72 paıyzyn quraıdy, dep habarlaıdy QazAqparat tilshisi.

Bıylǵy jyldyń aqpan aıynan bastap óńirde koronavırýsqa qarsy ımmýndaý naýqany júrgizilýde. Bul maqsatta aımaqta 106, onyń ishinde aýdandarda 91 ekpe kabıneti halyqqa qyzmet kórsetedi.

«Sondaı-aq, mundaı oryndar aýdandarda, ujymdarda adamdar kóp jınalatyn jerlerde (iri saýda oıyn-saýyq ortalyqtary, bazarlar jáne basqalary) ashylǵan. Vaktsınatsııalaý jumysyn arnaıy oqytylǵan medıtsınalyq personal júrgizedi. Bul oryndar arnaıy tońazytqysh jabdyǵymen qamtylǵan. Oblysta vaktsınatsııanyń birinshi komponentimen egilgender sany – 325 759 adamdy quraıdy. Ol ekpe qabyldaýǵa qabiletti azamattardyń 72 paıyzyn quraıdy qurady. Al vaktsınamen tolyqtaı qamtylǵandar sany 267 202 (59,1 paıyz) adamǵa jetti», - dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.

Vedomstvo málimetinshe, óńirde qazirge deıin koronavırýs ınfektsııasyna 18 227 naýqas shaldyqqan. Ótken táýlikte 13 jaǵdaı anyqtaldy. Jalpy emdelip shyqqany - 95 paıyz (17382 adam).

Oblys boıynsha ınfektsııalyq statsıonarda – 219 naýqas em qabyldaýda, júkteme - 35 paıyz. Reanımatsııalyq tósek-orynda 24 naýqas jatqyzylǵan (júkteme 30 paıyz).

Eske salsaq, budan buryn Qyzylorda oblysynda «qyzyl» statýsy bar 174 adamǵa aıyppul salyndy.