Qyzylordada eki jastaǵy sábı úshinshi qabattan qulap ketti

QYZYLORDA. QazAqparat – Qyzylorda qalasynda úshinshi qabattaǵy páterdiń terezesinen eki jastaǵy sábı qulap ketti, dep habarlaıdy QazAqparat tilshisi.

25 shildede saǵat 21.16-da oblystyq Tótenshe jaǵdaılar departamentine habarlama kelip tústi.

«Onda Qyzylorda qalasy, «Astana» shaǵyn aýdanyndaǵy bes qabatty turǵyn úıdiń úshinshi qabatyndaǵy terezeden 2021 jylǵy qyz balanyń qulap ketkeni aıtylǵan. Ol eresekterdiń qaraýynsyz qalǵan. Sábı jaraqat alyp, aýrýhanaǵa jatqyzylǵan. Jaǵdaıy ortasha dep baǵalanyp otyr. Oqıǵa ornynda departament qyzmetkeri mán-jaıdy anyqtady. Turǵyndardan barlyq qaýipsizdik sharalaryna nazar aýdarýyn suraımyz», - dedi Qyzylorda oblysy Tótenshe jaǵdaılar departamenti qoǵammen baılanys tobynyń bas mamany Aıgúl Nurmanova.

Aıta ketsek, jyl basynan beri jeti bala kópqabatty úıdiń terezesinen qulap ketken.

Onyń arasynda bireýi alǵan dene jaraqatynan kóz jumdy.

Eske salsaq, budan buryn Qyzylordada 7 jasar bala besinshi qabattan qulap ketti.