Qyzylordada eki kúnde 521 quqyq buzý deregi tirkeldi
10:05, 25 Shilde 2022
QYZYLORDA. QazAqparat - Qyzylorda oblysynda «Qaýipsiz jol» aılyǵynyń eki kúninde 521 quqyq buzýshylyq tirkeldi, dep habarlaıdy QazAqparat.
« Tıisti tirkeýsiz, ruqsatsyz, habarlama jibermeı kásipkerlik jáne ózge de qyzmetpen aınalysýdyń – 3, medıtsınalyq qarap-tekserýden ótpeýdiń – 2, zańsyz qaıta jabdyqtaýdyń – 16, mindetti tehnıkalyq qarap-tekserýden ótpegen – 57, uıaly telefonmen sóılesýdiń – 26, júrgizýshiniń kólik quralyn mas kúıinde basqarýdyń – 5, qaýipsizdik beldigin taqpaýdyń – 108, jaıaý júrginshige jol bermeýdiń – 18, qujatsyz avtokólik basqarý boıynsha – 34, jaıaý júrginshiler jolaǵynan ótpeýdiń – 30, manevr jasaý erejesin buzýdyń 43 deregi anyqtaldy», - dep jazdy aımaqtaǵy polıtsııa departamentinen .
«Qaýipsiz jol» aılyǵy 17 tamyzǵa deıin jalǵasady.