Qyzylordada eki kún buryn joǵalǵan er adam tabyldy

QYZYLORDA. QazAqparat – Qyzylorda oblysy Jańaqorǵan aýdanynda eki kún buryn joǵalǵan 61 jastaǵy er azamat Shymkent qalasynan aman-esen tabyldy, dep habarlaıdy QazAqparat tilshisi.

Bıylǵy 5 qańtarda saǵat 17:30 shamasynda Jańaqorǵan kenti Z. Baızaqov kóshesi №42 úıde turatyn 61 jastaǵy Danııar ıAkýbov belgisiz baǵytqa shyǵyp, qaıta oralmaǵan.

«Azamatty izdep tabý maqsatynda aýdandyq polıtsııa bólimi qyzmetkerleri jáne eriktilerden top qurylǵan. Jedel-izdestirý sharalary júrgizildi. Nátıjesinde atalǵan azamat Shymkent qalasynan aman-esen tabyldy», - dep málim etti Qyzylorda oblystyq polıtsııa departamentinen.

Eske salsaq, budan buryn Aralǵa balyq aýlaýǵa shyǵyp joǵalyp ketken 2 adam tabylǵan bolatyn.