Qyzylordada eki aı habarsyz ketken 26 jastaǵy turǵyn aman-esen tabyldy
00:22, 04 Qyrkúıek 2022
QYZYLORDA. QazAqparat - Qyzylordada eki aı buryn úıinen belgisiz baǵytqa ketken 26 jastaǵy qala turǵyny búgin aman-esen tabyldy, dep habarlaıdy QazAqparat tilshisi.
Budan buryn habarlaǵanymyzdaı, 26 jastaǵy qyz 13 shildede úıinen belgisiz baǵytqa shyǵyp ketken. Sodan beri qaıta oralmaǵan.
Qyzylorda qalalyq polıtsııa basqarmasy onyń aman-esen tabylǵany jóninde habarlady.
«Ol otbasyna ózi habarlasqan. Osylaısha ony izdeý toqtatyldy», - dep málim etti atalǵan vedomstvodan.
Sondaı-aq, búgin qyzylordalyq polıtseıler 2 qyrkúıekte sabaqqa shyǵyp, úıine qaıta oralmaǵan 16 jastaǵy jasóspirim qyzdy bir kúnnen keıin tapty.
Eske salsaq, budan buryn Qyzylordada joǵalyp ketken 21 jastaǵy jigit tabyldy.