Qyzylordada dúkenniń tóbesi qulap, ózbekstandyq azamat qaza boldy
17:43, 04 Mamyr 2023
QYZYLORDA. QazAqparat - Qyzylorda qalasynda tóbeniń aǵash konstrýktsııasy qulap, eki qabatty dúkende qurylys jumystaryn júrgizip jatqan ózbekstandyq azamat qaza boldy, dep habarlaıdy QazAqparat tilshisi.
Oqıǵa búgin, 4 mamyrda saǵat 15.11-de boldy. Qyzylorda qalasyndaǵy Tórequlov kóshesi boıynda jańa salynyp jatqan eki qabatty dúken tóbesiniń aǵash konstrýktsııasy qulap ketken.
«Oqıǵa ornynda qurylys jumystaryn júrgizip jatqan Ózbekstan Respýblıkasynyń 1996 jylǵy azamaty sol jerde qaza boldy. Oblystyq tótenshe jaǵdaılar departamentiniń Jedel qutqarý jasaǵynyń kúshimen máıit úıindi astynan shyǵaryldy», - dep málim etti Qyzylorda oblystyq tótenshe jaǵdaılar departamentinen.
Eske salsaq, budan buryn Qyzylordada turǵyn úıdegi órtten Ózbekstan azamaty kúıip qaldy.