Qyzylordada bıýdjetke 776 mln teńge shyǵyn keltirgen qylmystyq top músheleri ustaldy

QYZYLORDA. QazAqparat – Qarjy mınıstrliginiń Qarjylyq monıtorıng komıteti memleket bıýdjetine 776 mıllıon teńge shyǵyn keltirgen qylmystyq top músheleriniń izin kesti, dep habarlaıdy QazAqparat tilshisi.

«Qarjylyq monıtorıng komıtetiniń Qyzylorda oblysy boıynsha ekonomıkalyq tergeý departamenti uzaq ýaqyt boıy oryndalmaǵan jumys, kórsetilmegen qyzmet pen tıelmegen taýar úshin jalǵan shot-faktýralar daıyndap kelgen uıymdasqan qylmystyq toptyń jolyn kesti. Olardyń áreketinen memleketke 776 mıllıon teńge shyǵyn kelgen», - dep habarlaıdy Qarjylyq monıtorıng komıtetiniń baspasóz qyzmetinen.

Qazirgi ýaqytta Qarjylyq monıtorıng komıtetiniń Qyzylorda oblysy boıynsha ekonomıkalyq tergeý departamenti Qylmystyq kodekstiń 262-baby 1-2 bóligi boıynsha (Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý) toptyń basshysy, uıymdastyrýshysy men qatysýshylaryna qatysty sotqa deıingi tergeý amaldaryn júrgizip jatyr.