Qyzylordada bıýdjet qarjysyn qoldy etken býhgalter sottaldy

QYZYLORDA. QazAqparat - Qyzylorda qalasynda bıýdjet qarajatyn ıemdený jáne ysyrap etý deregi boıynsha 12,6 mln teńgeni qoldy etken býhgalter sottaldy, dep habarlaıdy QazAqparat tilshisi.

Qyzylorda oblysynyń prokýratýrasy bilim berý uıymdarynyń qyzmetine tekserý júrgizdi. Atalǵan shara barysynda bıýdjet qarajatyn ıemdený jáne ysyrap etý deregin anyqtady.

«Qyzylorda qalasyndaǵy orta mekteptiń biriniń býhgalteri 12,6 mln teńge kóleminde aqshalaı qarajatty ıemdengen. Oǵan qatysty oblys prokýratýrasy QR Qylmystyq kodeksiniń 189-baby 4-bóliginiń 2-tarmaǵy boıynsha sotqa deıingi tergep-tekserý júrgizip, is sotqa joldandy. Qyzylorda qalalyq №2 sotynyń úkimimen býhgalter 7 jylǵa bas bostandyǵynan aıyryldy. Ol 5 jyl merzimge belgili bir laýazymdardy atqarý quqyǵynan aıyryldy», - dep málim etti oblystyq prokýratýradan.

Eske salsaq, budan buryn Jańaqorǵan aýdandyq bilim bóliminiń basshysy 543 mln teńge jymqyrdy degen kúdikke ilindi.