Qyzylordada bıyldyqqa jol-kólik oqıǵasynan 91 adam qaza tapty

QYZYLORDA. QazAqparat - Qyzylorda oblysynda bıylǵy 8 aıda 247 jol-kólik oqıǵasy tirkelgen. Onyń saldarynan 91 adam qaza boldy, dep habarlaıdy QazAqparat tilshisi.

Atalǵan ýaqytta respýblıkalyq mańyzy bar Samara-Shymkent avtojolynyń boıynda barlyǵy 68 jol-kólik oqıǵasy tirkelgen. Onyń basym bóligi Qyzylorda qalasynan Aqtóbe oblysyna qaraı baǵyttaǵy ekinshi tehnıkalyq sanattaǵy jolda bolǵan.

«Jol boıynda qaraýsyz qalǵan sıyr, jylqylar jol boıyna shyǵyp ketedi. Bul jol-kólik oqıǵalaryn azaıtpaı tur. Birneshe kún buryn Qarmaqshy aýdanynyń tusynda jol ústinde uıyqtap ketken júrgizýshiniń áreketinen oqys oqıǵa tirkelip, birneshe azamat kóz jumdy», - dep málim etti oblys ákimdiginen.

Osyǵan baılanysty oblys ákimdigi tarapynan qala, aýdandardaǵy ıesiz júrgen maldarǵa qatysty qadaǵalaý, patrýldik narıadtardyń jumysyn qaıta jolǵa qoıý jóninde tapsyrma berildi.

Eske salsaq, budan buryn Qyzylorda oblysynda jol apatynan 5 adam kóz jumdy.