Qyzylordada bıyl jylytý maýsymy merziminen buryn bastaldy
Bıyl syrtqy aýa temperatýrasynyń kúrt tómendeýine baılanysty qala ákiminiń sheshimimen jylý qazan aıynyń 10-y kúni berildi.
Ádette, ol jylda 15 qazanǵa belgilengen bolatyn.
«Al, jylý qazandyqtary bólek «Araı», «Ippodrom», «Syrdarııa», «Astana» jáne «Sol jaǵalaý» turǵyn aýdandaryndaǵy kópqabatty turǵyn úılerge jylý odan erte qosyldy», – dedi qala ákiminiń orynbasary Elmurat Rahmatýllaev.
Bıylǵy jyly magıstraldyq jáne kvartalaralyq jylý qubyrlaryna gıdravlıkalyq synaq jumystary júrgizildi.
Nátıjesinde magıstraldyq jáne kvartalaralyq qubyrlardaǵy aqaýlar jóndeý kestesine sáıkes tolyǵymen qalpyna keltirildi.
Sondaı-aq, problemalyq 20 kóp qabatty turǵyn úılerde oryn alǵan aqaýlardy qaıta qalpyna keltirý jumystary júrgizilýde jáne jylýmen merziminde tolyq qamtamasyz etiledi.
Qaladaǵy kópqabatty turǵyn úılerdi jylýmen úzdiksiz qamtamasyz etý maqsatynda jaýapkershiligi shekteýli 4 seriktestik jáne 13 páter ıeleri kooperatıvteri jumystaryn atqarýda.
«14 qyrkúıekten bastap magıstraldyq jáne kvartalaralyq jylý qubyrlaryna qorytyndy gıdravlıkalyq synaq jumystary tolyǵymen júrgizilip, jylý jelilerindegi jelilik sý salqyn aınalymǵa qoıyldy. Endigi rette, turǵyndardyń jylý júıesine qaryzyn óndirý úshin mekeme tarapynan tıisti jumystar atqarylýda», – dedi Elmurat Rahmatýllaev.