Qyzylordada bıyl jiti ishek ınfektsııasyn juqtyrýshylar kóbeıdi

QYZYLORDA. QazAqparat - Qyzylorda oblysynda bıyl jiti ishek ınfektsııasyn juqtyrýdyń 553 jaǵdaıy tirkeldi. Olardyń 104-i baý-baqsha ónimderimen baılanysty bolyp otyr, dep habarlaıdy QazAqparat tilshisi.

Óńirde jazdyń alǵashqy aılarynda turǵyndar arasynda merziminen erte pisken baqsha ónimderi men jemis-jıdekterdi tutyný kúrt artyp ketedi. Bul jiti ishek ınfektsııasyn juqtyrýdyń sanyn arttyrady.

Atalǵan kórsetkish ótken jylmen salystyrǵanda 81,8%-ke joǵary.

«Aýrýshandyq deńgeıiniń ósý tendentsııasy Qyzylorda qalasy jáne Aral men Shıeliden basqa aýdannnyń barlyǵynda baıqalǵan. Juqpaly jiti ishek aýrýlarynyń 87%-i Qyzylorda qalasynyń úlesine tıedi. Naýqastanǵandardyń 83%-i 14 jasqa deıingi balalar. Onyń ishinde 2 jasqa deıingi balalar 60-70%-i qurap otyr», - dedi Qyzylorda oblysynyń sanıtarııalyq-epıdemıologııalyq baqylaý departamentiniń ókilderi.

Departament mamandary turǵyndarǵa nıtrattardyń zııany týraly eskertedi. Jemister men qaýyn-qarbyzdy ruqsat etilmegen oryndardan satyp almaýǵa keńes beredi.

Eske salsaq, Qyzylordada bıyl 15 adam Kongo-qyrym qandy bezgegine shaldyqty.