Qyzylordada bıyl oqshaýlaný tártibin buzǵan 49 adam anyqtaldy

QYZYLORDA. QazAqparat - Qyzylorda oblysynda «Ashyq» júıesi úı karantıninde oqshaýlaný tártibin buzǵan 49 adam anyqtaldy, dep habarlaıdy QazAqparat tilshisi.

Óńirde «Ashyq» júıesi boıynsha oqshaýlaný tártibin buzǵandar kezdesedi. Olardyń arasynda «qyzyl» jáne «sary» mártebege ıe turǵyndar bar.

«Jyl basynan beri oblys kóleminde «Ashyq» júıesi úı karantıninde oqshaýlaný tártibin buzǵan 49 adam belgili boldy. Onyń ishinde 48-i adam «qyzyl», 1-i «sary» mártebege ıe. Bul boıynsha «qyzyl» mártebedegi adamdarǵa tıisti aıyppul salynyp, «sary» mártebedegilerge oqshaýlaný tártibin saqtaý jóninde hattama berildi», - dedi oblystyq sanıtarlyq-epıdemıologııalyq baqylaý departamenti baspasóz hatshysy Aıman Janahaeva.

Sondaı-aq, oblysta qazir 167 mlnıtorıngtik top jumys isteıdi. Jyl basynan beri top músheleri 48 márte reıd júrgizdi. Reıd barysynda 196 nysan qamytldy.

Eske salsaq, qazirge deıin Qyzylorda oblysynda 50534 adam revaktsınalaýdan ótti.