Qyzylordada bireýdiń aýlasynan 5 mln teńgeniń qurylys zattaryn urlaǵan adam ustaldy

QYZYLORDA. QazAqparat - Qyzylordada bireýdiń aýlasynan 5 mln teńgeniń qurylys zattaryn urlap ketken adam ustaldy, dep habarlaıdy QazAqparat tilshisi.​

Oblys ortalyǵynyń turǵyny qalalyq Polıtsııa basqarmasyna menshik úıdiń aýlasynda turǵan qurylys zattaryn urlap ketkendigi jóninde aryzdandy. Onyń jalpy quny 5 mln teńgeni quraıdy.

«Polıtsııa qyzmetkerleri oǵan kúdikti retinde 45 jastaǵy qala turǵynyn ustady. Bul boıynsha QR Qylmystyq kodeksiniń 188-baby 3-bóliginiń 3-tarmaǵymen (Urlyq) sotqa deıingi tergep-tekserý áreketteri júrgizilýde. Kúdikti ýaqytsha ustaý ızolıatoryna qamaldy», - dep málim etti Qyzylorda qalalyq polıtsııa basqarmasynan.

Eske salsaq, Qyzylorda turǵyny nesıe áperem dep tanysynyń 5,6 mln teńgesin qaltasyna basty.