Qyzylordada bir kúnde 4 myńǵa jýyq adam koronavırýs vaktsınasyn aldy

QYZYLORDA. QazAqparat - Qyzylorda oblysynda bir kúnde 4 myńǵa jýyq adam koronavırýsqa qarsy vaktsına saldyrdy, dep habarlaıdy QazAqparat tilshisi.

Óńirde qaterli indetke qarsy ekpe qabyldaý 1 aqpannan bastaldy. Nátıjesinde qazir vaktsınanyń birinshi komponentin alǵandar 131 myńnan assa, ekinshi komponentin 72 myńnan astam adam saldyrdy.

Qazir óńirde 135 myńnan astam qaterli indetke qarsy ekpe alyp úlgerdi.

Oblystyq densaýlyq saqtaý basqarmasynyń habarlaýynsha, ekpe qabyldaǵandar qatarynda pedagogter, medıtsına qyzmetkerleri, quqyq qorǵaý organy qyzmetkerleri, memlekettik qyzmetshiler, stýdentter sany basym.

Oǵan qosa vaktsına saldyrǵandar qatarynda jumyssyzdar, zeınetkerler men kásipkerler sany artyp keledi.

«Óńirde sozylmaly syrqaty adamdar da ekpe qabyldaýǵa nıet bildirdi. Sondaı-aq, egde jastaǵy adamdar da qaterli indetke qarsy vaktsına qabyldaýýda. Vaktsınadan keıin turǵyndarda asqyný bolǵan joq», - dep málim etti Qyzylorda oblystyq densaýlyq saqtaý basqarmasynan.

Turǵyndar «Spýtnık V», «QazVac» jáne «Hayat-Vax», «Korona Vak» vaktsınalarynyń birin tańdaı alady.

Ekpeniń jetkilikti qory barlyq medıtsına uıymdarynda jasaqtalǵan.