Qyzylordada bir aýylda ákim saılaýy ótip jatyr
QR Saılaý týraly konstıtýtsııalyq Zańyna sáıkes búgin Qyzylorda qalasyndaǵy Aqsýat aýyldyq okrýginiń ákimi saılaýy ótip jatyr.
Jergilikti turǵyndar tańǵy saǵat 07.00-de №227 jáne №265 saılaý ýchaskesinde saılaýshylarǵa úmitker 3 azamatqa daýys berip jatyr. Olardyń barlyǵy saıası sharaǵa ózin-ózi usyný tártibimen qatysýda.
Aqsýat okrýginde 10030 halyq turady. Munda 5602 saılaýshy tirkelgen.
«Jyl basynan beri Qyzylorda óńirinde 12 aýyldyń ákimi saılandy. Olardyń qatarynda Qazaly aýdanynyń Aqjona, Aryqbalyq, Jalaǵash aýdanynyń Jańadarııa, Aqqum, Myrzabaı ahýn, Syrdarııa aýdanynyń Aqjarma, Jańaqorǵan aýdanynyń Jańaryq, Súttiqudyq, Qaratóbe jáne Qarmaqshy aýdanynyń Aqtóbe aýyldyq okrýginiń ákimi bar. Sondaı-aq, Aral aýdanynyń Jańaqurylys jáne Qulandy aýyldyq okrýginiń ákimderi bar. Jyl sońyna deıin aımaqta josparly taǵy 12 aýyl ákiminiń saılaýy ótkiziledi», - dep málim etti oblystyq saılaý komıssııasynan.