Qyzylordada belgisiz baǵytqa shyǵyp ketken jasóspirim qyz izdestirilýde
Oqıǵa 21 sáýirde tirkeldi. Oblys ortalyǵynda turatyn 14 jastaǵy jasóspirim Bernııaz Arýnaz Qaıratqyzy úıinen belgisiz baǵytqa shyǵyp ketken. Sodan beri úıine qaıta oralmaǵan.
«Osyǵan baılanysty Qyzylorda qalalyq polıtsııa basqarmasy izdeý salady. Erekshe belgileri: boıy - 1,60-1,65 metr, orta deneli, shashy qońyr tústi, uzynsha. Ústine qyzǵylt-qońyr kúrteshe, qara tústi shalbar, aq tústi sporttyq krossovka kıgen. Kámelet jasyna tolmaǵan jasóspirim týraly qandaı da bir aqparat nemese júrgen jeri týraly málimet bilgen jaǵdaıda tómende kórsetilgen telefon nómirlerine habar berýlerińizdi suraımyz. Tel: 8(7242)-29-75-20 nemese 102 arnasyna qońyraý soǵýlaryńyzdy suraımyz», - dep málim etti Qyzylorda qalalyq polıtsııa basqarmasynan.
Eske salsaq, budan buryn Baıqońyrda Syrdarııaǵa batyp ketken adamnyń denesi eki aıdan beri tabylmaı jatqanyn habarlaǵan edik.