Qyzylordada belgili boksshy Qamshybek Qońqabaevqa merekelik medal tabys etildi
Búgin el Táýelsizdiginiń 30 jyldyǵyna oraı Qyzylorda oblysynda mádenıet, sport, din,
buqaralyq aqparat quraldary salasynda qajyrly eńbek etip júrgen úzdikterge «QR Táýelsizdigine 30 jyl» merekelik medali tabystaldy.
Saltanatty sharaǵa oblys ákiminiń orynbasary Serik Ahmet qatysyp, ulyq merekemen quttyqtady.
«Eldik pen erkindiktiń bastaýy bolyp tabylatyn osy saltanatty kúni Sizderge ıgilik pen baqyt, baq-dáýlet, yrys tileımin. Elbasy aıtqandaı, ár qazaqstandyq aldaǵy ýaqytta onyń tuǵyryn nyqtap, eńsesin tiktep, abyroıyn asyrýǵa qyzmet etýge tıis. «Máńgilik el» ıdeıasynyń túpki maqsaty osynda. Eń bastysy, elimiz aman, urpaǵymyz azat. Biz alaqanǵa salyp ósirgen sol azat urpaq endigi jerde «Men Qazaqstanyma ne beremin?» degendi oılaýy kerek». Qazaqstannyń turaqty damýy men kemeldenýi jolyndaǵy eńbekterińiz tabysty, barlyq bastamalaryńyz sátti bolsyn! Yntymaqty - uran, tatýlyqty - tý etken qazaq eliniń abyroıy arta bersin», - dedi oblys ákiminiń orynbasary Serik Ahmet.
Saltanatty sharada merekelik medal bokstan Tokıo Olımpıadasynyń qola júldegeri Qamshybek Qońqabaev, jazýshy-ekolog Saılaýbaı Jubatyruly, aıtysker, aqyn Serik Ydyrysov, Syr jýrnalıstıkasynda ózindik qoltańbasy bar birqatar qalamgerler jáne basqarma basshylaryna tabystaldy.