Qyzylordada «Batys Eýropa - Batys Qytaı» jobasynyń óńirdegi júzege asyrylý barysy qaraldy
dep habarlady QR Kólik jáne kommýnıkatsııa mınıstrliginen.
Otyrysqa oblys ákimshiligi, QR Kólik jáne kommýnıkatsııa mınıstriligi, «Nur Otan» partııasynyń oblystyq fılıaly, merdigerlik mekemelerdiń basshylary men qurylys jumysyn qadaǵalaıtyn keńesshi-kompanııa ókilderi qatysty.
Otyrys jumysyn ashqan Qyzylorda oblysy ákiminiń mindetin atqarýshy Madııar Aldońǵarov atalǵan jobanyń iske asyrylýy ekonomıkanyń barlyq salasyn damytýǵa úlken serpilis bergendigin atap ótti. Osyǵan oraı topyraqty karerlerdi paıdalanýǵa ruqsat alý, toq ótkizý jelilerin salý men qosý jumystary boıynsha mańyzdy máselelerdi sheshýde jergilikti atqarý organdarmen jumystar júrgizilýde.
Avtomobıl joldary komıtetiniń tóraǵasy Zamır Saǵynov, ortalyqtyń osydan buryn bolǵan otyrysynda merdigerlik uıymdarǵa jol-qurylys tehnıkasy, qyzmetkerler, materıaldardy daıyndaý men topyraqty karerlerdi berýdi jumyldyrýda uıymdastyrý jumysyn kúsheıtý jóninde tapsyrma berilgendigin eskertip ótti. Jalpy, barlyq atalǵan tapsyrmalar oryndaldy. Biraq merzimnen qalǵan qosalqy merdigerlik uıymdarǵa qysqa merzimde jaǵdaıdy túzep, tolyq kólemdi jumystarǵa kirisýge tapsyrma berildi.
«Merdigerlik uıymdardyń jetekshileri men ákimdik ókilderiniń baıandamalarynan keıin, atalǵan joba boıynsha jumystardyń iske asyrylýyna «Atameken» Odaǵy men «Nur Otan» partııasy saraptamalyq komıssııasynyń múshesi Petr Davydenko baǵa berdi. Ol topyraqty karerlerdi berýge qujattardy rásimdeý merzimi 4 aıdan 13 aıǵa deıin sozylǵandyǵyn, bul jaǵdaı merdigerlik uıymdardyń josparlaryna kedergi bolyp, olardy jumys júrgizý kestesin buzýǵa májbúrleıtindigin atap ótti. Jol-qurylys jumystarymen qatar topyraqty karerlerdi berý jobalary boıynsha qujattardy rásimdeýdi birge júrgizýdi usyndy. Sonymen qatar, avtomobıl joldary komıtetiniń Qyzylorda oblystyq departamentine, oblys ákimdiginiń óndiris jáne kásipkerlik basqarmasyna, qýat jáne kommýnaldy sharýashylyq basqarmasyna paıda bolǵan máselelerdi sol jerde dereý sheshý týraly tapsyrmasy berildi», delingen baspasóz baıanynda.