Qyzylordada basqa ulttyń ókilderi qazaq tilinen saıysqa tústi

QYZYLORDA. QazAqparat - Qyzylordada «Memlekettik til - ult tiregi» taqyrybymen ózge ult ókilderi arasynda saıys ótti, dep habarlaıdy QazAqparat tilshisi.

Atalmysh is-shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy negizinde júzege asyryldy.

Qalalyq baıqaýǵa mektep oqýshylarynan quralǵan komandalar qatysty. Maqsaty - memlekettik til saıasatyn nasıhattaý, etnosaralyq qarym-qatynasty jahandandyrý, memlekettik tilge degen qurmetti arttyrý. Baıqaýǵa №5 mektep-lıtseı, №9 mektep-gımnazııasy, №23, №112, №173, №176, №198, №233 orta mektebinen komandalar qatysty. Olar «Tanystyrý», «Oı jarys», «Salt-dástúr - ult qazynasy», «Ónerliniń órisi keń» degen tórt kezeń boıynsha baq synasty.
Árbir mektepten kelgen túrli ult ókilderi qazaqsha án aıtyp, uly aqyndardyń shyǵarmalarynan úzindi oqydy. Sondaı-aq, qazaqtyń salt-dástúrlerin sahnalap, maqal-mátel aıtýdan saıysqa tústi.
Nátıjesinde bas júldeni №112 orta mekteptiń «Birlik» komandasy qanjyǵasyna baılady. Al, birinshi orynǵa №198 mekteptiń «Dostyq» komandasy laıyq dep tanyldy. Qalǵan oryndardy №233, №9, №5, №23 jáne №173 mektepten kelgen toptar ózara bólisti.
Qazylar alqasynyń tóraǵasy Aman Abasılov: «Tilge qurmet kórsetýdiń túrli joly bar. Elbasy «Bolashaqqa baǵdar: rýhanı jańǵyrý: bolashaqqa baǵdar» maqalasynda «Ótken HH ǵasyr halqymyz úshin qasiretke toly, zobalań da zulmat ǵasyr boldy. Birinshiden, ulttyq damýdyń kóneden jalǵasyp kele jatqan ózimizge ǵana tán joly birjola kúıretilip, qoǵamdyq qurylymnyń bizge jat úlgisi eriksiz tańyldy. Ekinshiden, ultymyzǵa adam aıtqysyz demografııalyq soqqy jasaldy. Onyń jarasy bir ǵasyrdan beri áli jazylmaı keledi. Úshinshiden, qazaqtyń tili men mádenıeti qur¬dymǵa kete jazdady» dep ulttyq kodymyzǵa jasalǵan qııanattardy atap kórsetedi. Al, osyndaı sharalar tildiń, salt-dástúr men mádenıetimizdiń qaıta jańǵyrýyna, evolıýtsııalyq damýǵa ákeletini sózsiz. Jáne ózge ult ókilderiniń arasynda ótkizilýinde de úlken mán bar ekenin eskerýimiz kerek», - dedi.