Qyzylordada balalardy ońaltý ortalyǵynyń fılıaly ashyldy
Bul týraly oblys ákiminiń baspasóz qyzmetinen habarlady.
«Aıta ketý kerek, buǵan deıin mundaı ońaltý-saýyqtyrý ortalyqtary oblys aýmaǵynda bolmaǵan. Atalǵan medıtsınalyq mekeme 50 tósektik nevrologııalyq aqaýly múgedek balalar emdeletin bolady. Barlyq jaǵdaıy jasalǵan. Zamanaýı qondyrǵylarmen jabdyqtalǵan», - delingen habarlamada.
Fılıaldy ashýǵa oblysta múgedek balalar sanynyń ósýi sebep boldy. Sońǵy 5 jylda óńirdegi múgedek balalar sany 1,1 esege ósip, ol 2560 balany quraǵan. Onyń ishinde 460 bala sal aýrýyna shaldyqqan. Al fılıal ashylýynyń arqasynda múmkindigi shekteýli balalarǵa jylyna 2 retten em alýǵa jaǵdaı jasaldy. Jańadan 50 jumys orny ashyldy.
Ortalyqty ashylý saltanatyna oblys ákimi Qyrymbek Kósherbaev jáne Parlamenttiń bir top depýtattary qatysty. Aımaq basshysy ortalyqqa mýzykalyq-akýstıkalyq apparat tartý etti.