Qyzylordada «Baikonyr invest» forýmy ótti
Forým jumysyna álemniń 14 elinen delegatsııa ókilderi keldi. Olardyń qatarynda Qytaı, Ońtústik Koreıa, AQSh, Kanada, Ulybrıtanııa, Shveıtsarııa jáne ózge de elderdiń delegatsııalary bar. Sondaı-aq, forýmǵa halyqaralyq jáne otandyq bıznes-qurylymdardyń, qarjy ınstıtýttarynyń, korporatsııalar men ǵylymı-zertteý ınstıtýttarynyń basshylary qatysty.
Atalmysh halyqaralyq sharanyń ashylýynda Qyzylorda oblysynyń ákimi Qyrymbek Kósherbaev oǵan qatysýshylardy quttyqtady. Oblys basshysy 5 jyl ishinde «Baıqońyr Invest» forýmy tabysty áriptestik ornatý alańyna aınalǵanyn atap ótti.
«Memleket basshysynyń Joldaýynan týyndaıtyn balamaly energetıkany damytý jónindegi mindetterdi oryndaý maqsatynda búgingi forýmdy óńir damýynyń jańa baǵyty retinde «jasyl» ekonomıkaǵa arnadyq. Bizdiń oblysymyz kúnniń belsendiligi joǵary aımaq ekenin atap ótkim keledi. Oblysta kún sáýlesiniń ortasha jyldyq uzaqtyǵy 3 myń saǵattan artyq. Bul kún elektr stantsııalaryn salý men damytý úshin úlken múmkindik. Sondyqtan «jasyl» ekonomıka taqyrybyn biz kezdeısoq tańdap alǵan joqpyz», - dedi oblys ákimi.
Aımaq basshysy kelesi jyly óńirde 4 kún elektr stantsııasynyń qurylysy bastalatynyn atap ótti. Aıta keteıik, Syrdarııanyń sol jaǵalaýynda Qyzylorda qalasynda jáne Jańaqorǵan aýdanynda "HydroEnergy" AQ (Bolgarııa), Jalaǵash aýdanynda - "Total Eren" (Frantsııa) kompanııasy, Shıeli aýdanynda - "Samruk Kazyna - United Green" kompanııasy jáne "Avelar Solar Tehnolodjı" JShQ (Reseı) birlese otyryp kún elektr stantsııasyn salatyn bolady.
Forýmnyń plenarlyq otyrysynda dıplomatııalyq mıssııa ókilderi, memlekettik organdar men qarjy ınstıtýttarynyń basshylary sóz sóıledi. QR Investıtsııalar jáne damý mınıstrligi Investıtsııa komıtetiniń tóraǵasy Erlan Qaıyrov Qyzylorda oblysyndaǵy negizgi kapıtalǵa salynǵan ınvestıtsııa ósiminiń oń trendterin atap ótti. Sondaı-aq, aımaqtyń óńdeý ónerkásibinde 1,9 esege óskenin aıtty. Nátıjesinde, salanyń negizgi kapıtalyna ınvestıtsııalardyń ósý qarqyny boıynsha oblys kóshbasshylar úshtigine endi.
Óz kezeginde, Qazaqstan Respýblıkasyndaǵy Frantsııa Respýblıkasynyń Tótenshe jáne Ókiletti Elshisi Fılıp Martıne Qazaqstanda, atap aıtqanda Qyzylorda oblysynda jańartylatyn energııa kózderin damytý boıynsha óz tájirıbesimen bóliskenine qýanyshty ekenin aıtty.
"Total Eren" frantsýz kompanııasy qazaqstandyq seriktestermen birlesip Jalaǵashta kún elektr stantsııasyn damytýǵa mindetteme aldy. Jumystar aldaǵy aptada bastalyp, kelesi jyldyń qazan aıyna deıin jalǵasady», - dedi Fılıpp Martıne.
Forým aıasynda «jasyl» ekonomıkanyń jeti negizgi baǵytyn qamtıtyn 4 sektsııanyń jumysy ótti.
Sektsııa jumysyna «Siemens» (Koreıa), Huawei Technologies (Qytaı), 4Kz Inc (AQSh), «Avelar Solar Tehnolodjı«» (Reseı), «Qazaqstandyq memlekettik-jekemenshik áriptestik ortalyǵy» AQ, «Halyqaralyq Araldy qutqarý qory» kompanııalarynyń ókilderi qatysty.
Forým sektsııalarynyń biri qaldyqtardy basqarý júıesin jetildirý máselelerine arnalǵan. Oblysta 145 polıgon jumys isteıdi. «Ibraıhan» jergilikti kompanııasy qatty turmystyq qaldyqtardan cherepıtsany jáne trotýarlyq taqtalardy, al «Smart Rubber» seriktestigi - tozǵan kólikterdiń dóńgelekterinen jol jabyndaryna arnalǵan rezeńke úgindi men tamshylatyp sýarý úshin jer asty qubyrlaryn daıyndaıdy. Budan basqa, memlekettik-jekemenshik áriptestik aıasynda qýaty jylyna 60 myń tonnany quraıtyn «Qyzylorda qalasynda qoqys suryptaý kesheniniń qurylysy» jobasy iske asyrylýda.
Sondaı-aq, óńirde 2020 jylǵa deıin energııa kózderin únemdeýdiń keshendi jospary júzege asyrylýda. Nátıjesinde, oblys kósheleriniń 30% dıodtyq jaryq shamdarmen jabdyqtalǵan, bul elektr energııasyn 12% - ǵa deıin únemdeýge múmkindik beredi. Kelesi jyly oblys boıynsha memlekettik-jekemenshik áriptestik negizinde 6600 sham dıodtyq jaryq shamdarǵa aýystyrylyp, sol arqyly elektr energııasyn 50% - ǵa deıin únemdeý josparlanýda.
Forým aıasynda jańartylatyn energııa kózderi, ınvestıtsııalyq jobalardy damytý jáne "jasyl tehnologııalardy" engizý salasyndaǵy yntymaqtastyq týraly 12 memorandýmǵa jáne keramıka zaýytyn salý týraly kelisimge qol qoıyldy.
Aıta keteıik, 3 jeltoqsanda forýmǵa qatysýshylar dástúr boıynsha Qorqyt Ata memorıaldyq keshenine, ǵaryshkerler murajaıyna jáne "Baıqońyr" ǵarysh aılaǵyna baryp, basqarylatyn «Soıýz» ǵarysh kemesiniń ushyrylymyn tamashalady.
"Baikonur Invest" ınvestıtsııalyq forýmy Qyzylorda oblysynda 2013 jyldan beri ótkizilip keledi. Aldyńǵy 9 forýmnyń nátıjesi boıynsha 100-ge jýyq memorandýmǵa qol qoıylyp, shyny, tsement, ferroqorytpa zaýyttary sııaqty iri ınvestıtsııalyq jobalarǵa 110 mlrd.teńgeden astam ınvestıtsııa tartyldy.