Qyzylordada áıel kópirden sekirip qaza tapty
00:33, 13 Jeltoqsan 2022
QYZYLORDA. QazAqparat – Búgin keshke Qyzylordada áıel adam kópirden sekirip ketip, mert boldy, dep habarlaıdy QazAqparat Rolisia.kz saıtyna silteme jasap.
«12 jeltoqsan kúni saǵat 21:50 shamasynda Qyzylordada «102» arnasyna Qazbek bı men Qazantaev kósheleri boıynda ornalasqan aspaly kópirden áıel sekirip ketip, sýıtsıd jasamaq bolǵany týraly habarlama tústi.
Oqıǵa ornyna jedel-tergeý toby jetti. Tekserý barysynda, ókinishke oraı, azamatshanyń qaıtys bolǵany anyqtaldy.
Atalǵan derek boıynsha QR Qylmystyq kodeksiniń 105-baby 3-bóligimen (Ózin-ózi óltirýge deıin jetkizý) sotqa deıingi tergep-tekserý amaldary bastaldy. Tıisti saraptamalar taǵaıyndaldy. Oqıǵanyń mán-jaıy anyqtalyp jatyr», - delingen polıtsııa málimetinde.