Qyzylordada aýyr atletıkadan QR chempıonaty bastaldy
23:26, 18 Sáýir 2022
QYZYLORDA. QazAqparat - Qyzylordadaǵy «Evrazııa» sport kesheninde aýyr atletıkadan erler men áıelder arasynda el birinshiligi bastaldy, dep habarlaıdy QazAqparat tilshisi.
El birinshiligi jekelegen jattyǵýlar boıynsha bolady. Alty kún boıy sportshylar 20 salmaq boıynsha jeńimpazdardy anyqtaıdy.
Atalǵan jarysta erler 55, 61, 67, 73, 81, 89, 96 keli salmaqta júldelerdi sarapqa salady. Al áıelder 45, 49, 55, 59, 67, 71, 76, 81, 87, 87 keliden joǵary salmaqta baq synaıdy.
Týrnırdiń ashylýyna arnalǵan saltanatty sharaǵa oblys ákiminiń orynbasary Qaırat Nurtaı, QR Aýyr atletıka federatsııasynyń atqarýshy dırektory Aldııar Nuralınov jáne aýyr atletıkadan tórt dúrkin álem chempıony Ilıa Ilın qatysty.
Aıta keteıik el birinshiligine Nur-Sultan, Almaty, Shymkent qalalary men oblys ortalyqtarynan 220-ǵa jýyq sportshy júldelerdi sarapqa salýda.
Jarys 24 sáýirge deıin jalǵaspaq.