Qyzylordada aýtızm kúnine oraı sporttyq shara ótti

QYZYLORDA. QazAqparat - Qyzylorda qalasynda búkilálemdik aýtızm týraly aqparat taratý kúnine oraı sporttyq júgirýden jarys ótkizildi, dep habarlaıdy QazAqparat tilshisi.

Sporttyq júgirýge qatysýshylar atalmysh shara barysynda 5,5 shaqyrym qashyqtyqty baǵyndyrdy.

Bul aktsııaǵa Qyzylorda oblysynyń ákimdigi, psıhologııalyq túzeý ortalyqtary, aýtızmge shaldyqqan balalardyń ata-analary men eriktiler qoldaý kórsetti.

Jarysqa barlyǵy 700-den astam adam qatysty. Oǵan qatysýshy azamattar jas erekshelegine baılanysty tórt sanatqa jikteldi. Árbir sanat boıynsha jeńimpaz baǵaly syılyqtarǵa ıe boldy.

«Kóptegen azamattar aýtızm týraly az biledi. Ómirden kórip júrgenimizdeı, mundaı balalar kez kelgen salada jetistikti baǵyndyra alady. Osyndaı sharalar arqyly biz ondaı jandardyń erekshe álemin kórsetpekpiz», - dedi Bolat Ótemuratov qorynyń dırektory Marat Aıtmaǵambetov.