Qyzylordada aýlasynda esirtki ósirgen 62 jastaǵy turǵyn qolǵa tústi

QYZYLORDA. QazAqparat - Qyzylordada óziniń aýlasynda 105 túp sora ekken 62 jastaǵy qala turǵyny qolǵa tústi, dep habarlaıdy qazAqparat tilshisi.

Qyzylordalyq polıtseıler qala aýmaǵynda «Qarasora-2021» jedel-profılaktıkalyq is-sharasyn reıd júrgizgen bolatyn. Nátıjesinde úıiniń aýlasynda esirtki tektes sora ósimdigin ósirgen 62 jastaǵy qala turǵyny ustalyp, ol ýaqytsha ustaý ızolıatoryna qamaldy.

«Ol kisiniń aýlasynan 105 túp sora ósimdigi tabylyp, aıǵaq zat retinde tárkiledi. Saraptama taǵaıyndaldy. Qorytyndyǵa sáıkes, ol sora esirtkisi bolyp shyqty. Atalǵan jáıt sotqa deıingi tergep-tekserýdiń biryńǵaı tizilimine engizildi. Bul boıynsha QR Qylmystyq Kodeksiniń 300-baby 2-bóligimen qylmystyq is qozǵaldy. Qazirgi tańda osy is boıynsha tergep-tekserý amaldary júrgizilýde», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada aýlasynda 1 myńnan túpten astam sora ósirgen turǵyn ustaldy.