Qyzylordada atom salasynyń úzdikteri marapattaldy

QYZYLORDA. QazAqparat - Qyzylordada oblys ákimi Gúlshara Ábdiqalyqova atom salasy qyzmetkerlerimen kezdesip, úzdik mamandardy marapattady, dep habarlaıdy QazAqparat tilshisi.

Óńirde «Baıken-ıÝ» seriktestigi - tabıǵı ýrandy óńdeıtin jalǵyz kásiporyn. Al «SKZ-U» kompanııasynyń zaýyty jyl saıyn 500 myń tonna kúkirt qyshqylyn óndirýde.

«Qazaqstannyń atom salasy ekonomıkanyń negizgi, strategııalyq mańyzdy jáne tabysty salalarynyń biri bolyp sanalady jáne álemde aldyńǵy qatarda. Bul, eń aldymen, joǵary bilikti jumysshylardyń eńbegi. Óńirimizde 4 ýran óndiretin kompanııa jáne 1 kúkirt-qyshqyl shyǵaratyn zaýyt jumys jasaýda. Olarda 2 500 asa adam qyzmet atqarady. Qarapaıym halyqtyń ıgiligine nesibe bolǵan ýrandy ıgergen atomshylar kúnimen quttyqtaımyn», - dedi oblys ákimi Gúlshara Ábdiqalyqova.

Aıta ketsek, 2008 jyly 28 qyrkúıekte Elbasy Nursultan Ábishuly Nazarbaevtyń Jarlyǵymen «Atom ónerkásibi qyzmetkerleriniń kúni» kásibı mereke bolyp bekitildi.

Kezdesýde «Baıken-U» seriktestiktiń róliktik jáne sharýashylyq qamtamasyz etý qyzmetiniń bastyǵy Bolat Netbaev, «Qyzylqum» seriktestiktiń 5 dárejeli qazandyq operatory Ibragım Malıkov, «RÝ-6» seriktestiktiń Bas dırektordyń ekonomıka jáne qarjy jónindegi orynbasary Oljas Jumabaı, «Semizbaı-U» seriktestiginiń «Iirkól» fılıaly ákimgershilik sharýashylyq qyzmeti basshysy Meıramhan Ohapov jáne «SKZ-U» seriktestiktiń kúkirt qyshqyl zaýyty synaq zerthanasynyń bastyǵy Oljas Orynbasarov «Qurmet» gramotasymen marapattaldy.

Kezdesý sońynda sala ardageri Muhıt Iskakov aımaq basshysyna kórsetilgen qurmetke alǵysyn jetkizip, áriptesterin kásibı merekemen quttyqtady.

Eske salsaq, budan buryn Gúlshara Ábdiqalyqova qyzylordalyq jastarmen júzdesken bolatyn.