Qyzylordada «Ashyq» jobasyna qosylǵan mekemeler 362 ret zań buzǵan
Óńirde búginde «Ashyq» jobasyna qatysýshy mekemeler sany artyp keledi. Degenmen bul oryndarda turǵyndar tarapynan karantın talabyn buzý jaǵdaıy jıi tirkelýde.
Oblys kóleminde 2808 nysan «Ashyq» jobasyna qosylǵan. Onda 362 karantın talabyn buzý jaǵdaıy tirkeldi. Onyń ishinde «qyzyl» statýsy bar 163 adam anyqtalsa, «sary» statýstaǵy 199 adam belgili boldy.
«Ózin-ózi oqshaýlaý rejımin buzǵan «qyzyl» mártebedegi tulǵalarǵa QR Ákimshilik quqyq buzýshylyq týraly kodeksiniń 425-babyna sáıkes, ákimshilik aıyppul salyndy. Al «sary» mártebedegi karantın rejımin buzýshylarǵa jeke qaýlylar shyǵaryldy. Ózin-ózi oqshaýlaý rejımin buzýshylar qoǵamdyq tamaqtaný oryndaryna, áýejaı men temirjol vokzalyna, halyqqa qyzmet kórsetý oryndaryna kirý kezinde anyqtalǵan», - dedi Qyzylorda oblysy Sanıtarlyq epıdemııalogııalyq baqylaý departamentiniń baspasóz hatshysy Aıman Janaqaeva.
Eske salsaq, Qyzylordada 251 myńnan astam adam koronavırýsqa qarsy vaktsına saldyrdy.