Qyzylordada asa iri kólemde sıntetıkalyq esirtkini taratyp júrgen turǵyn qolǵa tústi

QYZYLORDA. QazAqparat - Qyzylordada asa iri kólemde sıntetıkalyq esirtki zattaryn jasyryn taratyp júrgen qala turǵyny qolǵa tústi, dep habarlaıdy QazAqpaart tilshisi. Qyzylorda oblysy Polıtsııa departamentiniń Esirtki qylmysyna qarsy is qımyl basqarmasynyń qyzmetkerleri 4 qazannan bastap «Refleks-2021» jedel profılaktıkalyq sharasyn júrgizip keledi.

Atalǵan shara barysynda oblys ortalyǵynda asa iri kólemde sıntetıkalyq «metkatınon», «mefedron» esirtki zattaryn jasyryn taratyp júrgen qala turǵyny qolǵa tústi.

«Kúdikti mobıldi qosymsha arqyly tapsyrys qabyldaǵan. Ony qala ishindegi belgili bir jasyryn jerlerge salyp otyrǵan. Polıtseıler kúdiktini sıntetıkalyq betbelgi (zakladka) qaldyryp jatqan jerinen ustady. Aıǵaq zat retinde odan barlyǵy 72 dana sıntetıkalyq zaty bar orama alyndy. Atalǵan derek boıynsha QR Qylmystyq kodeksiniń 297-baby 3-bóliginiń 3-tarmaǵyna sotqa deıingi tergep-tekserý bastaldy. Onda asa iri mólsherdegi esirtki, psıhotroptyq zattarǵa, sol tektesterge qatysty jasalǵan esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý jaǵdaıy kórsetilgen», - dep málim etti Qyzylorda oblystyq polıtsııa departamentiniń baspasóz qyzmetinen.

Vedomstvo málimetinşe, qazirgi tańda kúdikti azamat Qyzylorda qalalyq Polıtsııa basqarmasynyń ýaqytsha ustaý abaqtysyna qamaqqa alyndy. Eske salsaq, bıyl Qyzylorda oblysynda esirtki bıznesine qatysty 169 qylmys anyqtaldy.