Qyzylordada arzanǵa kólik alyp beretinin aıtyp aldaǵan adam sottaldy

QYZYLORDA. QazAqparat – Qyzylorda oblysynda arzan baǵaǵa kólik alyp beretinin aıtyp, tanysyn aldap ketken adam sottaldy, dep habarlaıdy QazAqparat tilshisi.

Qyzylorda turǵyny arzan kólik alyp beremin dep, tanysyn aldap soqqan. Jábirlenýshige keltirilgen shyǵyn – 5 mln teńge.

«Tergeý barysynda kúdikti azamattyń alaıaqtyq is-áreketi tolyǵymen dáleldendi. Oǵan qatysty QR Qylmystyq kodeksiniń 190-baby 3-bóligi 1-tarmaǵymen (Alaıaqtyq) is qozǵaldy. Sot úkimimen oǵan 4 jyl merzimge bas bostandyǵynan aıyrý jazasy taǵaıyndaldy. Sot úkimi zańdy kúshine endi», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda qalasynda zańsyz oıyn bıznesin júrgizgen adamǵa aıyppul salyndy.