Qyzylordada arnaıy operatsııa kezinde esirtki prıtony anyqtaldy
Qyzylorda PD Esirtki qylmysyna qarsy is qımys basqarmasynyń qyzmetkerlerimen jasyryn tergeý áreketterin júrgizý barysynda 68 jastaǵy qyzylordalyq óziniń turǵylyqty mekenjaıynda úsh sybaılasymen birge esirtki zatyn qaınatý arqyly «ekstratsııalyq apıyndy» daıyndap, tamyr arqyly egip, tutyný úshin prıton uıymdastyrý ústinde ustaldy.
Mekenjaıyna qarap-tekserý kezinde aıǵaqty zattar – esirtki zaty qaınatylǵan ydys-aıaqtar, shprıtster zattaı dáleldeme retinde alyndy.
Ustalǵan kúdikti óz kinásin tolyq moıyndady. Atalǵan derek boıynsha Qazaqstan Respýblıkasy Qylmystyq kodeksiniń 302-babynyń 1-bóligimen (Esirtki, psıhotroptyq zattardy, sol tektesterdi tutyný úshin prıtondar uıymdastyrý nemese olardy ustaý, sol sııaqty osy maqsattar úshin úı-jaılar berý) sotqa deıingi tergep-tekserý áreketteri júrgizilýde.
Kúdiktige qatysty «kúzetpen ustaý» túrindegi bultartpaý sharasy tańdaldy jáne ol ýaqytsha ustaý ızolıatoryna qamaldy.