Qyzylordada Araldy damytýǵa arnalǵan halyqaralyq forým ótedi
10:49, 29 Mamyr 2017
QYZYLORDA. QazAqparat - Qyzylorda oblysynyń Aral aýdanynda 30-31 mamyr aralyǵynda Araldy turaqty damytýǵa arnalǵan halyqaralyq forým ótedi, dep habarlaıdy QazAqparat tilshisi.
Aıtýly sharaǵa Ortalyq Azııa, BUU, EQYU, Búkildúnıejúzilik bank ókilderi qatysady dep kútilýde.
Osy jıynda Araldy qutqarý jónindegi qorǵa jetekshilik etý tizgini Ózbekstannan Túrkimenstanǵa ótedi. Resmı Ashhabad qorǵa endi úsh jyl boıynda basshylyq etetin bolady. Sońǵy úsh jylda bul qorǵa Ózbekstannyń tuńǵysh prezıdenti Islam Karımov jetekshilik jasady. Forým barysynda Aral problemalary, Syrdarııa ózeni sýyn retteý máseleleri talqyǵa túsedi.