Qyzylordada antıkorǵa jumysqa turǵyzyp berem dep elden aqsha alǵan alaıaq ustaldy
13 jeltoqsanda Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti ózindik qaýipsizdik departamentimen birlesip 1988 jyly týǵan J. esimdi turǵyndy ustady.
Ol ózin «antıkordyń Qyzylorda oblysy boıynsha ózindik qaýipsizdik qyzmetkeri» retinde tanystyrǵan.
Sóıtip «sybaılas jemqorlyqqa qarsy qyzmetke jumysqa kirgizip berem» degen ýádemen qala turǵynyn aldady jáne onyń senimine kirdi.
Odan 500 000 teńge somasyndaǵy aqshalaı qarajat alǵan.
Tergeý múddesine oraı ózge aqparat jarııa etýge jatpaıdy.
Sybaılas jemqorlyqqa qarsy qyzmet alaıaqtar ózderin memlekettik organdardyń qyzmetkerleri retinde kórsete otyryp, qylmystyq-jazalanatyn is-áreketter jasaıtyn jalǵasyp jatqan jaǵdaılarǵa nazar aýdarady.
Osyǵan uqsas faktiler boıynsha aqparat bolǵan jaǵdaıda myna telefondar arqyly habarlasýǵa bolady: 1424, +7-778-788-39-30.