Qyzylordada áleýmettik jaǵdaıy tómen 3,6 myń balaǵa ystyq tamaq berilmeı kelgen
11:50, 16 Sáýir 2019
QYZYLORDA. QazAqparat - Qyzylorda oblysynyń prokýratýrasy jergilikti atqarýshy organnyń qyzmetine júrgizilgen taldaý barysynda kámeletke tolmaǵan 3,6 myń balanyń áleýmettik kómek alý quqyǵy buzylǵanyn anyqtady. Bul týraly vedomstvoǵa silteme jasap QazAqparat habarlaıdy.
Anyqtalǵany - kópbalaly jáne az qamtylǵan otbasylardan shyqqan balalardy tegin tamaqpen qamtamasyz etý quqyǵy Úkimet qaýlysymen kepildendirilgenine qaramastan, Qyzylordanyń 54 mektebinde balalarǵa ystyq tamaq berilmeı kelgen.
Prokýratýra usynysynyń nátıjesinde anyqtalǵan kemshilikter joıylyp, Qyzylorda qalalyq ákimdigi bilim bóliminiń 2 laýazymdy tulǵasy tártiptik jaýapkershilikke tartyldy.