Qyzylordada Alash qozǵalysy jaıynda jıyn ótti
Atalmysh ıgi shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda uıymdastyryldy. Ony ótkizýge Qyzylorda oblystyq ishki saıasat basqarmasy men «Urpaqtan urpaqqa» qoǵamdyq birlestigi uıytqy boldy.
Konferentsııa jumysyna jergilikti memlekettik organdardyń ókilderi, qalalyq ardagerler keńesi, qaladaǵy joǵary oqý oryndarynyń tarıhshy-ádebıetshi oqytýshylary, ǵylymı qyzmetkerler, magıstranttar, jas izdenýshiler, muǵalimder, stýdentter jáne zııaly qaýym ókilderi qatysty.
Shara barysynda qoǵam qaıratkeri Saılaýbaı Ábishev jáne Sara Taımanova, Merýert Ańsatova syndy ǵalymdar baıandama jasady. Baıandama barysynda budan bir ǵasyr buryn qazaqtyń zııaly azamattarynyń Reseıde tuńǵysh ulttyq «Alash qozǵalysyn» qurǵany jaıynda jan-jaqty aıtyldy. Onda basqarý júıesin qalyptastyrýdaǵy maqsaty jáne 1917 jyly beleń alǵan saıası ózgerister Alash qozǵalysyna jańa múmkindikter men jaýapty mindetter júktegeni tarazylandy. Sol tusta alash zııalylary Qazaq eliniń táýelsizdigi úshin eren eńbekter jasady.
Oblystyq ishki saıasat basqarmasynyń basshysy Talǵat Mahanov Alash qozǵalysynyń ǵıbraty, qaıratkerlerimiz júrip ótken jol, olardyń kúresi, qalamgerlerdiń kórkem oılary jaıynda keńinen aıtyp ótti. Konferentsııa jumysyn «Urpaqtan urpaqqa» qoǵamdyq birlestiginiń tóraıymy Almagúl Bojanova júrgizdi.
Konferentsııa barysynda A.S.Pýshkın atyndaǵy ortalyq kitaphana keń kólemdi «Alash murasy-máńgilik» atty kitap kórmesin uıymdastyrdy. Oǵan qosa Alash qaıratkerleri jaıly beınesıýjet kórsetildi.