Qyzylordada Abaıǵa arnalǵan kitap kórmesi ashyldy

QYZYLORDA. QazAqparat - Qyzylordada Á.Tájibaev atyndaǵy oblystyq ámbebap ǵylymı kitaphanasynda jyl boıy jumys jasaıtyn «Kemeńgerliktiń bıik shyńy – Abaı» atty kitap kórmesi ashyldy, dep habarlaıdy QazAqparat tilshisi.

Kitap kórmesi «Men jazbaımyn óleńdi ermek úshin», «Álem klassıkteri – Abaı aýdarmalarynda», «Abaıdyń fılosofııalyq dúnıetanymy», «Úńilseń kóziń jete me, teńizden tereń syry bar...» atty bólimderden turady.

Kórmege aqynnyń shyǵarmalarymen qatar, belgili abaıtanýshy Mekemtas Myrzahmetulynyń «Abaıtaný» kitabynyń 2 tomdyǵy, «Dańqty adamdar» serııasynan «Abaı», M.Áýezdiń «Dilim», B.Erdembekovtiń «Abaıtaný», «Abaı - Pýshkın» shyǵarmalary qoıyldy. Sondaı-aq, Zakı Ahmetovtiń «Abaı ı Lermontov», «Jızn zamechatelnyh lıýdeı» serııasynan N.Anastasevtiń «Abaı», D.Dosjanovtyń «Abaıdyń rýhy», R.Syzdyqovanyń «Abaı shyǵarmalarynyń tili» kitabynyń 3 tomdyǵy jáne ózge de dúnıeler kópshilik nazaryna usynyldy.

Budan buryn Qyzylordada «Abaı» spektakli sahnalanǵanyn jazǵan edik.