Qyzylordada Abaı qoldanǵan zattar qoıylǵan jyljymaly kórme ashyldy

QYZYLORDA. QazAqparat - Qyzylordada Salıhıtdın Aıtbaev atyndaǵy kórkemsýret galereıasynda «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıiniń «Abaı - dana, Abaı - dara qazaqta» atty jyljymaly kórmesi ashyldy. Jyljymaly kórme qazaqtyń uly aqyny Abaıdyń 175 jyldyq mereıtoıyna arnalǵan, dep habarlaıdy QazAqparat tilshisi.

Kórmege aqyn tutynǵan zattar, onyń ómiri men shyǵarmashylyǵyn nasıhattaıtyn qundy jádigerler qoıyldy. Kórmege kelýshiler aqynnyń ómiri men shyǵarmashylyǵyna qatysty tarıhı qujattar men arhıvtik derekter, qundy qoljazbalar, turmysta qoldanǵan zattary, kitaptary men fotosýretteri bar.

Kórme eki bólimnen turady. Onda qazaq dalasyndaǵy medreseler tarıhyna qatysty jádigerler de jınaqtalǵan. Kópshilik Abaı oqyǵan Semeıdegi Ahmet Rıza medresesi jaıly, ondaǵy kitaptarmen de tanysa alady. Etnografııalyq buıymdar da kelýshiler qyzyǵýshylyǵyn týǵyzyp otyr.

«Kórmege kelýshiler Abaı jaıynda jazylǵan dúnıelermen de tanysa alady. Olardyń qatarynda Taıyr Jarokov pen Muhtar Áýezovtiń eńbegi men latyn álipbıindegi Abaı jaıly kitap bar. Semeılik sýretshi Nurlan Ótebaevtyń Abaı portreti dk kópshilikti qyzyqtyrady dep oılaımyn», - dedi Abaıdyń «Jıdebaı-Bórili» memlekettik tarıhı-mádenı jáne ád­bı-memorıaldyq qoryq-mýzeıiniń ǵylymı qyzmetkeri Qýat Qıyqbaev.

Uly tulǵanyń ónegeli ómirinen maǵlumat beretin kórme 1 naýryzǵa deıin jalǵasady.