Qyzylordada 800 sharshy metr aýmaqta janǵan eski shınalar sóndirildi
13 maýsym kúni saǵat 11.12-de Qaratoǵaı kóshesi, 43 mekenjaıdaǵy eski shınalardy kádege jaratatyn «Smart rubber» JShS aýmaǵynda órt boldy. 800 sharshy metr aýmaqta avtokólik dóńgelekteriniń eski shınalary jandy. Jalynnyń taralýyna jol berilgen joq. Qaza bolǵandar men zardap shekkender joq.
«Órttiń beti saǵat 13.15-te qaıtarylyp, 14.47-de tolyq sóndirildi. Órttiń jaıylýyna múmkindik berilgen joq. Oqıǵa ornynda oblystyq Tótenshe jaǵdaılar departamentinen 45 adam 9 tehnıkamen jumys atqardy. Sondaı-aq, Apattar medıtsınasy ortalyǵy fılıalynan 4 adam 1 tehnıkamen keldi», - dedi Qyzylorda oblysy Tótenshe jaǵdaılar departamenti bastyǵynyń orynbasary azamattyq qorǵaý polkovnıgi Nursultan Ibragımov.
Eske salsaq, 12 maýsymda Qyzylorda qalasynda 6 gektar aýmaqtaǵy shóp órtendi. Jergilikti órt sóndirýshilerdiń jedel áreket nátıjesinde órt saǵat 17.25-te oqshaýlanyp, saǵat 18.10-da tolyǵymen sóndirildi.