Qyzylordada 722 adam koronavırýsqa qarsy Pfizer vaktsınasyn saldyrdy
Onyń ishinde 122 júkti, 80 laktatsııa kezeńindegi áıel bar. Al óńirde ata-anasynyń ruqsatymen 12-17 jas aralyǵyndaǵy 520 jasóspirim ekpe qabyldady.
Búgingi kúnderi oblysqa «Pfizer» vaktsınasynyń 23400 dozasy jetkizilgen. Mamandardyń aıtýynsha, ol 12-18 jastaǵy jasóspirimderge, 16-37 apta aralyǵyndaǵy júkti áıelder men bosanǵanyna 42 kún bolǵan bala emizetin áıelderge arnalǵan.
Bul maqsatta ata-anasynyń ruqsaty alynǵan. Aıta keterligi, ekpe ata-anasynyń ruqsaty boıynsha jasóspirimniń óz qalaýymen júrgizilýde.
Atalǵan vaktsına tyrysqaq, týberkýlez sııaqty indetterdi jeńýge kómektesedi. Vaktsına quramynda ımmýndyq qorǵanysh týdyratyn vırýs joq. Ol ınfektsııa týdyrýy múmkin emes.
«Vaktsınatsııa júrgizý aldynda KVI-diń jáne koronavırýsqa antıdenelerdiń bolýyna tekserý júrgizilmeıdi. Qaterli indetpen aýyryp jazylǵan adamdar saýyqqannan keıin vaktsınatsııalaý aldyndaǵy jaı-kúıin baǵalaý eskeriledi. Olardyń saýyqqannan keıin 3 aıdan soń vaktsınatsııalanýǵa múmkindigi bar», - dedi oblystyq sanıtarııalyq-epıdemıologııalyq baqylaý departamenti Asa qaýipti ınfektsııalyq aýrýlardy baqylaý bóliminiń basshysy Janar Jetilgenova.