Qyzylordada 52 kópqabatty úı gazsyz qaldy

QYZYLORDA. QazAqparat - Qyzylorda qalasynda joǵary qysymdy jerasty gaz qubyrynda gazdyń aǵyp ketýine baılanysty kóppáterli 52 turǵyn úı gazsyz qaldy, dep habarlaıdy QazAqparat tilshisi.

Oblystyq tótenshe jaǵdaılar departamentiniń daǵdarys jaǵdaıynda basqarý basqarmasyna 5 jeltoqsan 12.50-de aqparat kelip tústi.

Onda qalanyń sol jaǵalaý bóligindegi bes qabatty №52 turǵyn úıdiń janynda, dıametri 110 mm joǵary qysymdy jerasty gaz qubyrynda gazdyń aǵyp ketkeni aıtylǵan.

«Osyǵan baılanysty avarııalyq ajyratý júrgizilip, kóppáterli 52 turǵyn úı (3001 abonent) gazsyz qalǵany belgili boldy. Gazdyń sónýi jylýmen jabdyqtaýǵa áser etken joq. Turǵyn úıler avtonomdy-blokty kishi qazandyq arqyly jylytylady. Qalpyna keltirý jumysyn «QazTransGazAımaq» AQ 20 mamany 2 tehnıkamen atqardy», - dep málim etti Qyzylorda oblystyq tótenshe jaǵdaılar departamentinen.

Vedomstvo málimetinshe, oqıǵa ornyna departamentten 3 qyzmetker barǵan.

Saǵat 16.20-da «QazTransGazAımaq» AQ kúshimen jóndeý-qalpyna keltirý jumysy tolyq aıaqtalǵan.

Eske salsaq, budan buryn Qyzylordadaǵy 5 qabatty turǵyn úıdiń shatyryn jel ushyryp ketti.