Qyzylordada 427 myńnan astam adam koronavırýsqa qarsy vaktsına saldyrdy
11:55, 24 Naýryz 2022
QYZYLORDA. QazAqparat - Qyzylorda oblysynda ekpe qabyldaýǵa qabiletti 427 myńnan astam adam koronavırýsqa qarsy vaktsına saldyrdy, dep habarlaıdy QazAqparat tilshisi.
Qyzylorda oblysynda ujymdyq ımmýnıtetetti qalyptastyrýda 452 myńnan astam adamnyń koronavırýsqa qarsy ekpe qabyldaýy josparlanǵan. Bul - oblys turǵyndarynyń 60 paıyzy.
Qazir óńirde koronavırýsqa qarsy vaktsınanyń I komponentin 427 146 adam (94,4%) saldyrdy. Al II komponentti 419 891 adam (92,8%) adam alǵan.
«Vaktsına saldyrǵandardyń basym kópshiligi - oblys ortalyǵynyń turǵyndary. Al aýdandar boıynsha joǵary kórsetkish - Aral, Qazaly, Jańaqorǵanǵa tıesili. Kásip túrleri boıynsha medıtsına qyzmetkerleri, muǵalimder men kúshtik qurylymdar qyzmetkerleri kósh bastap tur. Oblys kóleminde ımmýndaýdan keıin asqyný jaǵdaılary tirkelgen joq». - dep málim etti oblystyq Sanıtarııalyq-epıdemıologııalyq baqylaý departamentinen.